Sjølv om vi har fått nytt namn til Preg barnehager er vi framleis ein del av NLM (Misjonssambandet) sine barnehagar. Det nye namnet er meint å knyte alle NLM sine barnehagar i landet tettare saman med ein felles visuell profil som egner seg godt på digitale flater. Alle barnehagane knytt til NLM har no Preg barnehager som felles namn. Vi har og fått ny felles logo som har element frå NLM sin logo, slik at ein kan sjå at vi høyrer saman.
Vi har ein felles overordna administrasjon som arbeider for at vi skal kjenne på eit fellesskap og ha ei tilhørigheit til kvarandre, og vi er medlem i PBL (Private barnehagers landsforbund).
Lov om barnehagar med forskrifter og Rammeplan for barnehagen sitt innhald og oppgåver bestemmer innhald og rammer for barnehagen vår. I samsvar med barnehagelova si §1a andre ledd vert barnehagen dreve med kristent føremål.
Vi ynskjer å vere ein barnehage der alle føler seg verdsett for den ein er og sjå alle som like verdifulle.
Visjon: "Sammen om å sette verdifulle spor"
Ved å sjå i årsplana vår får ein vite litt meir om arbeidet vårt. Den ligg her på heimesida på forsida og under fanen "planar".
Velkommen til å søkje plass i vår barnehage!
Vi har felles opptak med Vestnes kommune, og søknadsfristen er 1. mars kvart år.